O Concello de Pontedeume organiza os días 1 e 17 de maio visitas guiadas aos Xardíns de Lombardero.

Nestas visitas poderá coñecerse a diversidade e importancia das diferentes árbores existentes neste espazo.
Desde o Metrosidero, coñecido como Árbore da Bruxa e pertencente ao Catálogo Galego de Árbore Senlleiras, ata os cedros do Atlás, as árbores das trompetas ou os fieitos árboreos.
Unha oportunidade de coñecer as diferentes especies arbóreas existentes nos Xardíns de Lombardero, con procedencias tan diversas como Australia, Estados Unidos, Líbano, o Cáucaso ou África.
Os horarios para a realización destas visitas será de 12 a 13 horas o luns 1 de maio, e de 17 a 18 horas o mércores 17 de maio.
As inscricións xa poden realizarse na Oficina de Turismo sita no Torreón dos Andrade, no e-mail oficinaturismo@pontedeume.gal ou no teléfono 981430270 ata o momento da visita ou completar aforo.